Ikhulu Lamanqaku KaShalulile Lenze Isimanga KwiDawana
BETWAY PREM – Umdlali weMamelodi Sundowns uPeter Shalulile wenze isimanga njengokuba enamanqaku alikhulu.
Lomdlali waseNamibia uncede iSundowns ibetha AmaZulu ngolwesibini kwibala iLucas Moripe kumdlalo weligi.
Inqaku lakhe lithetha ukuba wophule irekhodi kwezintshatsheli zeligi njengokuba esodlula uDaniel Mudau obekade ebambe elirekhodi xa kuthethwa ngamanqaku.
FUNDA NALAPHA: UBroos Uncoma IPirates, Sundowns neStellies
Kusenjalo, uShasha usondele kwirekhodi likaCollins Mbesuma owayekudlalela iKaizer Chiefs njengokuba enamanqaku ali129, uShalulile yena una127.
Kulomdlalo noSuthu, inqaku leDawana elihle lesibini lifakwe nguArthur Sales ebetha uVeli Mothwa obenomdlalo omhle.
Ethetha ngalomdlalo, UMiguel Cardoso ubavuyele abadlali bakhe esithi basebenze nzima ukuqokelela amanqaku amathathu.
ISundowns inamanqaku angama58 njengokuba kubonakala ukuba bangayigcina indebe yeligi, iOrlando Pirates yona idlale ngokulingana neStellenbosch eKapa.
“Isiqingatha sokuqala besingenanto eninzi ndibone ukuba ingqondo yethu ibingamanga kakuhle,” utshilo uCardoso.
“Kuye kwanyanzeleka senze iinguqu ukuze sikwazi ukusebenzisa ibala ngendlela efanelekileyo sifake namandla.
FUNDA NALAPHA: “Soze Ndibaphoxe” Utsho UMofokeng WePirates
“Kwelinye ixesha izinto azisebenzi kodwa zisebenzile namhlanje. Ndicinga ukuba bekufanele siwuphumelele umdlalo.
“Isiqingatha sesibini sisiphathele izinto ezohlukileyo. Amandla besinawo, besiyazi ukuba bekufuneka sitshintshe abadlali. Ndiyabavuyela abadlali.”
Xa sijonga umdlalo wezaseChloorkop olandelayo, kulindeleke ukuba batyelele kwibala iFNB ngecawe komnye umdlalo olindeleke ukuba utakise iintlalntsi.
