URiveiro Ulindele Onzima Kowabo NelaseBotswana
Phumzile Ngcatshe
Umqeqeshi weOrlando Pirates uJose Riveiro uthi ilindele umdlalo onzima mhla ezakhe ziqubisana nelaseBotswana iJwaneng Galaxy kwindebe yeCAF Champions League.
Ezimnyama ngenkani, iPirates itywatyushe iqela laseMadagascar, iDisciples FC ngamanqaku amane eqandeni kumdlalo ububanjelwe eOrlando Stadium ngolwesihlanu.
Emva kwalomdlalo kwelokukhangela indawo kwigroup stages, iPirates iphakamise iikawusi yabetha iDisciples eSoweto, nalapho babedlale ngokubambana ngo0-0 eMauritius kwiveki ephelileyo.
Amanqaku ePirates eze noThabiso Monyane, Relebohile Mofokeng, Patrick Maswanganyi noKarim Kimvuidi njengoba bezibekele indawo kwisigaba esilandelayo.
Ethetha namajelo eendaba, uRiveiro uthe abakwazi kwenza iminqweno nje ngaphandle kokusebenza nzima kumdlalo wabo nelaseBotswana eliqeqeshwa nguMorena Ramoreboli waseMzantsi Afrika.
Elidinga neGalaxy liza emva kokuba iPirates yathi yakhutshwa nguRamoreboli kwakulendebe kwisizini egqithileyo kwiipenalti.
“Iminqweno Kumdlalo onje yeyemihla yokuzalwa, ndizama ukuthi kumele sizimisele and siwulungele umdlalo weGalaxy,” utshilo uRiveiro.
“Inika umdla into yokuba sizakuphinda siqubisane neGalaxy kwakhona. Zange sidlale kakuhle kwisizini ephelileyo nabo. Yayingumdlalo onzima neqela eliqinileyo.
“Asikho isizathu sokuba singakhuthazeki ngalomdlalo. Ukuba yi-African Stars, nalapho kulungile ngokuba ndizakube ndiqala ukuya eNamibia.
“Siyayazi iJwaneng inamava kuletumente yaye ke kufuneka sizilungiselele.”
Eqhuba emva komdlalo, lomfo waseSpain oneendebe ezine nezikaMagebhula uncome iGalaxy enamava nokuzimisela kwimidlalo emikhulu kwilizwekazi leAfrika.
Kwisizini eqgithileyo, eli qela elidlala kwiBotswana Premier League, iGalaxy yaqubisana neWydad Athletic nalapho bayibetha ngenqaku elinye kweminye yemidlalo yabo kwigroup stages.
“iJwaneng yenze umsebenzi omhle kakhulu kwisizini ephelilelyo njengokuba bakwazi ukubetha iWydad baqokelela amanqaku asithandathu okanye asixhenxe – bayalwa kwimidlalo yasekhaya,” wongezile uRiveiro.
“Ndicinga ukuba letumente inomtsalane, nokuba leliphi iqela elizayo, okwethu nje kukuba sizinikele sizame ngamandla ukufikelela kwisigaba esilandelayo (group stages).
“Sinethuba siyiPirates okokuba siyonwabele letumente ikakhulu mna njengokuba ndilangazelela ukuzibonela nokuqeqesha kuyo.”
Kusenjalo, ngaphambi kokuzibekela indawo kiwsigaba esilandelayo, iGalaxy ibethe iStars zaseNamibia kwwipenalti ngomgqibelo emva kokubethwa eWindhoek kumlenze wokuqala ngo1-0.
Ngokwengxelo ephuma kuCAF eYiphutha, iPirates izakulwela indawo kwisigaba esilandelayo kwimidlalo emibini neGalaxy ngomhla we13-15 kwinyanga ezayo. Umlenze wesibini wona uzakudlalwa ngomhla we20-22.
