Abokuthula Noxolo Babekwe Ityala YiPSL

IKaizer Chiefs isengxakini emva kokubekwa ityala yiPSL, oku kungqinwe ngumtshutshisi uZola Majavu ngolwesine.

OkaMajavu uthi Amakhosi zange aziphathe kakuhle kumdlalo weBetway Premiership neMamelodi Sundowns kwibala iFNB kwinyanga ephelile.

EzikaNasreddine Nabi zabethwa yiSundowns ngamagoli amabini kwelinye nalapho abalandeli nabaqeqeshi bashiyeka benezikhalazo.

Njengokuba umdlalo watsala abalandeli abalandeli apho amatikiti athengiswa aphela, Amakhosi ashiyeka ikhala ngezigqibo zikasompempe.

FUNDA NALAPHA: UNabi Uzakuqubisana NoHunt KoweCarling Cup

Ezi nkunzi zaseSoweto zabona inqaku lazo lingabalwa njengokuba kuvela iindaba zokuba kwakukhona ukutshova ebhokisini ngaphambi kokuba uEdson Castillo alivalele emnatheni.

“Ndiyangqina okokuba ngentseni yanamhlanje (ngolwesine), iqela iKaizer Chiefs FC lithe lavela ngaphambi kwePSL DC,” ungqinile uMajavu.

“Belizokuphendula izityholo zokuziphatha kakubi kwabalandeli balo nalapho kwagityiselwa iizinto ebaleni ngomhla ka28 kwinyanga ephelile.

“IChiefs yayidlala neMamelodi Sundowns FC. Bazivumile izityholo njengokuba bebekwe ityala.

“Bagwetywe imali engangeR100 000 kodwa iR50 000 ixhonyiwe okanye inqunyanyisiwe ngaphantsi kwemiqathango ethi bangazifumani besophula umthetho kwakhona.

“Esi sigwebo sizakuma kude kuphele lesizini – akulindelekanga bajongane netyala elifana neli.

FUNDA NALAPHA: Ingqwele Ilaxaze IChiefs Yavumbuka EThekwini

“Kwisizini ephelile, iChiefs yazifumana ijongene netyala elinje yaze bagwetywa iR100 000 kodwa nalo laxhonywa emva kwesiganeko esinje.

“Lilonke, lento ithi njengokuba befunyanwa benetyala elitsha, bazakuhlawula enye iR100 000 naleyo (iR50 000) yayinqunyanyisiwe.

“Ngokuphelele, iKaizer Chiefs izakuhlawula IR150 000 kuquka neendleko zokuhlalelwa elityala.”