UMakgalwa, Tinkler NoLilepo Bawongwe YiPSL
PSL – Umqeqeshi weSekhukhune United uEric Tinkler nomdlali wakhe uKeletso Makgalwa bawongwe yiPSL kwinyanga kaApril.
Kusenjalo, umdlali weKaizer Chiefs uGlody Lilepo naye uzifumanele iwonga emva kokufaka inqaku elihle bedlala neMarumo Gallants.
IPSL idize ezindaba ngolwesithathu njengokuba esisithathu siqhube kakuhle kwinyanga ephelile yena ke uTinkler wabangumqeqeshi ovelele.
IBabina Noko igqibe inyanga kaApril ingabethwanga emva kokuphumelela emithathu baze badlala ngokulingana emibini.
FUNDA NALAPHA: ‘Soze Ndiqeqeshe Elinye Iqela KwiPSL’ – Riveiro
UMakgalwa owayesakubaleka kwiMamelodi Sundowns uzuze iwonga lokuba ngumdlali ovelele – udlale emithathu kswemine wancedisa ngenqaku efaka elinye.
Lomdlali onamendu ebephikisana nonozinti Renaldo Leaner adlala naye kwiSekhukhune othe wangangenwa linqaku kwimidlalo emibini.
Kusenjalo, uSanele Barns weStellenbosch FC naye ebeligacele eliwonga kodwa akaphumelelanga nangona edlale kakuhle kwezikaSteve Barker.
FUNDA NALAPHA: Ishota Ngenqaku ISundowns Iphamakise Indebe Yesibhozo
Xa sijonga uTinkler, ukhokele eliqela ephumelela kwiCape Town City, kwiPolokwane City, kwiOrlando Pirates waze wadlala ngokulingana neTS Galaxy.
Ezi ziphumo ziyithathe zayibeka kwindawo yesithathu iBabina Noko xa sijonga amanqwanqwa weBetway Premiership.
Lentshatsheli yeNedbank Cup, uLilepo, yena ke uzifumanele iwonga lenqaku elihle bebulawa yiGallants ngo2-1 – liwonga lakhe lokuqala eli kwiPSL.
