Kumuncu KuRulani Evula Ngesibhaxu KwiWydad

Umqeqeshi omtsha kraca weWydad Casablanca uRulani Mokwena akavulanga kakuhle kwiligi yaseMorocco nalapho ebethiwe ngolwesihlanu.

UMokwena ebenethemba lokukhokela ezinkunzi zaseMorocco ngempumelelo emdlalweni wabo wokuvula isizini.

UMokwena wathi washiya iBrazilians ngendlela eyothusayo kwiinyanga ezimbalwa ezidlulile nalapho wayephakamise indebe yeligi neyeAfrican Football League nezaseTshwane.

IWydad ibiqubisene ne MAS de Fes nalapho betywatyushwe ngenqaku elinye eqandeni ekuhambeni.

Njengoba ezikaMokwena bezidlala okokuqala ngaphantsi kwakhe kweyeBotola Pro, batyiwe kodwa kukho amakhwiniba ngendlela ababethwe ngayo.

FUNDA NALAPHA: Tau: uBroos Uchaza Ngefolosi Engekho KwiBafana

Nangona bewulawulile umdlalo, uMokwena owayesakuqeqesha iMamelodi Sundowns ebenethemba lokuba bangafumana impumelelo kodwa ezakhe zikhe phantsi isitya sigcwele.

IWydad ikwazile ukubhalisa abadlali abatsha nanjengokuba bebephantsi kwesigwebo nguFIFA.

Ukanti ke nomdlali waseMzantsi Afrika uCassius Mailula, nowazakhela udumo kwiSundowns uqale lomdlalo esuka ebhentshini.

Nangona lomdlalo uphele kwisiqingatha sokuqala zibambene ntanganye, ezasekhaya zikwazile ukufumana inqaku xa zibuya ekhefini.

Kodwa ke elonqaku alibalwanga nyiVAR ngenxa yokuba umdlali ebengaphambili kwabanye abadlali kambe ioffside. Zizamile ezikaMokwena nalapho uMohamed Rayhi ebone umzamo wakhe ubetha ipali.

Ngaphezu koko, abatyeleli bazamile ukuvula udonga lweFes kodwa unozinti wabo uAbdelhay Ben Soltane akavumanga.

Lempumelelo yeFes yeyokuqala kwiWydad emva kwezihlandlo ezi15 bezama, bagqibele aukufumana impumelelo ngomnyaka ka2014.

Ezinye iindaba ezidibene neWydad, kuyavakala ukuba umdlali weBafana Bafana uPercy Tau angase asayine neliqela njengoba efuna ukuhamba eYiphutha kwiAl Ahly.

 FUNDA NALAPHA: UMngqithi Utshona Evela Ngokapteni uMshishi